依家「全民造星」呢個選秀節目咁hit，既然咁多人都爭住想做星，「偶像」呢個頭銜當然係有與別不同嘅吸引力。係新一代巨星仲未誕生之前，不如就先認識一下香港現有既「偶像」啦。16年出道嘅偶像團體ReVe，兩位成員都咁靚仔，你地又聽過佢地嘅作品未呢？

圖左是ReVe成員陳子華（Cavan），圖右為成員劉瑞祈（Kay）

ReVe係一個香港唱跳男子組合，成員包括有陳子華（Cavan）同劉瑞祈（Kay），兩位成員唱跳實力都絕對唔馬虎，Cavan 來港發展之前仲曾經去過韓國受訓，為左實現歌手夢想下過一番苦功。而Kay 就由細到大都咁鐘意唱歌同跳舞，最令人印象深刻係佢溫暖嘅笑容，無時無刻都透露星味。

ReVe派台歌《What？》無論係造型定係舞步都係典型韓國偶像路線，兩位成員除左唱得、跳得仲要rap得！英文歌詞rap都難佢地唔到。 呢首出道作品由豪花百萬製作MV，場景同剪接都準備十足，加堆Cavan 同 Kay 嘅氣勢演出，難得有水準嘅HKpop MV 無廉價MK味。

除左快歌ReVe唱起情歌一樣唔會遜色，最近一首新歌《Stay With Me》佢哋就唱出抒情風格。尤其係Cavan一段韓文rap令人印象深刻，獨特聲線唱出觸動人心嘅感覺。

正如Viutv「花姐」咁講，做得偶像又點可以「無樣」呢。單論顏值ReVe已經合格有餘，兩位成員亦不時會係Instagram 上載靚相，無論係生活照抑或表演嘅照片同樣魅力十足。@cavan_reve @kayyyy_reve 有與趣可以去佢地Instagram睇下。

靚仔就梗係要配番靚衫啦，TESSLET見呢兩位新起之秀潛力十足，都忍唔住贊助咗幾件衫俾佢地。想好似呢位兩偶像一樣著得咁好睇，就要開始黎TESSLEY入手新款靚衫啦。

Cavan 同Kay 所著都係Poshbrain SS18 “PROGRAMME LOVR”系列