珍妮花羅倫絲指荷李活女星唔認節食 仲話食極唔肥十分虛偽
金像影后珍妮花羅倫絲(Jennifer Lawrence)向來以大膽敢言見稱,最近她接受外國雜誌訪問,談及身材及減肥等話題時,她直指某些荷李活女星明明是依靠瘋狂節食及做運動減磅,卻對外聲稱自己天生食極唔肥,這種行為十分虛偽。
相比其他荷里活女星,珍妮花不算纖瘦,但她拒絕瘋狂節食減肥。「如果你過瘦20磅,仲話自己日日食Pizza、炸雞,咁講係唔會令其他人好過囉!」珍妮花沒指名道姓鬧邊個,但相信圈中有不少女星都在裝模作樣,她希望女星們可以誠實一點,「假若我要參加奧斯卡頒獎禮或電影首映會,我唔會講大話,我係會同平時食得唔一樣,令自己可以著得落件晚裝,我唔會去否認(節食)」。
珍妮花透露自己平日好少節食,想食Pizza就食Pizza,但會做更多運動去保持身材,不過平日沒準備之下被傳媒影相,都會擔心自己被影得狀態不佳,但她寧願多做運動,都不想節食。她亦指出節食減肥同黐假眼睫毛、搽唇膏一樣,都是為了令自己變得更美麗,無需要收收埋埋:「完全冇問題,除非你係為咗某一個人變靚」。