《全民造星》Rapping表演大雜燴,唔通香港又有嘻哈??
Rap 呢股音樂潮流由上年開始就愈吹愈熱,正在火熱播放中嘅內地節目「中國新說唱」就係最佳證明之一,雖然可以聽到黎自各地不同選手唔同風格嘅表演,但係依然有少少可惜嘅地方,就係「中國新說唱」參賽選手入面竟然一個香港rapper都無。不過唔緊要viutv選秀節目《全民造星》就比左個平台大家表演,有唔少選賽者都簡左rapping表演,你地又聽過未呢?即刻欣賞下節目有份表演rapping嘅選手,順便睇下香港到底有無嘻哈?
1.光速rapper Kyle
被網民笑稱 「光速rapper」嘅Kyle憑住一段極速rapping自我介紹,令觀眾留下深刻印象。雖然rap得夠快,但係Kyle嘅咬字就差得離譜,甚至連節目組都因為唔能夠識別內容,而打唔到字幕。之後所表演嘅G-DRAGON - CRAYON 同樣維持住咬字不清嘅獨特風格,「連佢唱講緊咩語言都聽唔出」能夠得到呢個評價真係唔簡單。
2.少年八両金 保錡
俾唔少人笑稱外貌激似「八両金」嘅保錡,係眾多參賽者入面算係對rapping經驗最資深嘅一位。保錡所表演過嘅歌曲分別有周湯豪嘅 《你是我的菜》同熱狗MC Hotdog嘅《差不多先生》,聽得出演唱風格都係模仿原唱唱腔為主,唯獨欠缺個人風格係比較可惜嘅地方。其實保錡都有自己嘅作品,就好似 POKI吳保錡(FEAT.NC) - HOI YUEN ROAD 開源道 反工題材夠哂貼地,希望遲下會係節目見到佢更有個人風格嘅演出。
3.誠意之作 酒粒仔
酒粒仔一向都無咩特別嘅才華,不過為佢為人謙厚嘅潛質,令佢係導帥求情下死過番生。再一次嘅機會佢就選擇咗用rap黎挑戰自己,老實講單論說唱功力就認真麻麻,甚至可以用差黎形容。不過咁多位表演rap嘅參賽者中只有佢一個夠膽用自己嘅作詞歌曲表演,單係呢種精神就值得respect。今次演出酒粒仔只係僥倖過關,唯有希望佢日後表演可以更進一步啦。