2018.04.16
反叛元素流行 - Badboy Style

正所謂男人唔壞女人唔愛,Badboy風格無論如何都總會吸引到女性既喜愛。

但係想做到一個有"型"既Badboy都並唔係咁容易,一個唔小心就可能會俾人話MK柒頭,一敗塗地。壞得黎唔一定要似古惑仔先叫好,俾人一種反叛不羈既感覺先叫perfect。龍啊、虎啊個啲就over左啦,依家要做Badboy梗係要有齊"黃"、"賭"、"毒"呢三個元素啦!

 

要著得夠"黃"首先要有條囡,其次條囡要夠sexy,無論係真人定係卡通print都一樣可以。但點都好至少遮番三點睇落無咁露骨,正所謂邪而不淫,你都唔想俾人地以為你係變態佬嫁係咪?著出黎帶少少花花公子同色氣感覺,異性吸引力直線上升。

 

至於"賭"呢就緊係關錢事啦,嗱有錢溝死囡就梗係嫁啦,而"賭"呢種風格就類似一種showoff概念,唔夠有錢唔緊要至少著個感覺出黎。銀紙print、dollar sign都係好熱門street fashion會用到嘅元素,著呢類衫唔一定代表你好有米,但至少俾人睇到你自信一面,玩世不恭嘅感覺。

 
 
而最後嘅"毒"呢就係大麻print,大麻呢樣野係外國某啲地方已經好普遍,但係香港始終都唔係合法野,接觸過嘅人都唔係多,人就總係會被好奇心吸引,見自己未試過、唔敢試既野係其他人身上出現都會望多兩眼。同邪而不淫個道理一樣,著呢類衫壞得黎都唔可以over左,好似冰、白粉呢啲係人都知唔掂得嘅毒品就唔好放上身啦,變到成個道友咁就唔係咁好啦。同時"毒"呢個元素仲俾人一種"I don't give a Fuck"既態度,人地愈唔推廣我就愈要著吹咩。
 

相關文章

一頂漁夫帽搞定整身造型
雖然,棒球帽很型!你唔能夠係用棒球帽做出更多造型 - “It’s time” 擴大你的帽子收藏範圍, 佢地分分鐘可能比依靠相同的舊配件更加強大。今年只要輸入:漁夫帽。 會係五光十色嘅時尚環境中搵到佢嘅蹤影,漁夫帽可能會很好地與爸爸鞋競爭頭把交椅。 Hip Hop文化加上許..